Францияда әскери тікұшақ апатқа ұшырады
ТУЛУЗА. ҚазАқпарат - Францияның оңтүстік-батысында кеше әскери тікұшақ апатқа ұшырап, екі адам қаза тапты, бес адам жарақат алды, деп хабарлайды ҚазАқпарат Reuters агенттігіне сілтеме жасап.
Жергілікті билік өкілдерінің айтуынша, Франция Құрлық әскері құрамындағы жауынгерлік 5-полк тікұшағы жоғары Пиринеи департаментінің әкімшілік орталығы Тарб қаласына жақын жерге құлаған.
Тікұшақтың апатқа ұшырау себебі анықталып жатыр, тергеу жұмыстары басталды.
