Францияда қазақстандық велошабандоз Андрей Кивилевті еске алуға арналған веложарыс өтеді
АСТАНА. қазАқпарат - 2016 жылдың 28 мамырында франциялық Сан-Лоран-Дю-Вар қаласында қазақстандық велошабандоз Андрей Кивилевті еске алуға арналған «La Laurentine Andréï Kivilev» атты әуесқойлар веложарысы он бірінші рет өтеді.
Жарыстың ұйымдастырушысы - франциялық «Stade Laurentin Cyclisme» атты велосипедпен жүру әуесқойларының клубы. Жыл сайын жарыстың сөресіне бірнеше жүздеген адам шығып отырады, деп хабарлайды Sports.kz.
Бұлар - велоспорт хоббиі болып табылатын қарапайым ғана адамдар. Түрлі жастағы адамдар қашықтықтардың біреуін - 105 немесе 150 шақырымды таңдай алады.
Жарысқа ниет білдірген барлық адамдар қатыса алады.
