Францияда казиноны тонады: 40 адам жапа шекті
АСТАНА. ҚазАқпарат - Қаруланған қарақшылар Францияның оңтүстігіндегі Экс-ан-Прованс қаласындағы казиноны тонады. Тонаушылар оқ атып, кассадағы ақшаны алып кеткен.
Казинода барлығы шамамен 700 адам болған.
Оқиға орнында дүрбелең орын алды. 40-қа жуық адам жеңіл жарақаттанған. Алайда төртеуі ғана медициналық мекемеге жеткізілді. Ұрланған ақша көлемі туралы айтылмай отыр, деп хабарлады "Вести ФМ".
