Францияда найзағайдан 15 адам зардап шекті
АСТАНА. ҚазАқпарат - Францияда найзағай соғып, 15 адам зардап шекті, олардың екеуінің жағдай ауыр, деп хабарлады Риа Новости.
Агенттіктің хабарлауынша, Францияның солтүстік шығысында Азрай коммунасында музыкалық фестиваль өтіп эжатқан сәтте найзағай соғып, 15 адамды жарақаттаған. Қазіргі таңда екі адамның жағда ауыр. Оқиға орнына медицина мамандарынан тұратын екі команда жетті. Сондай-ақ 60 өрт сөндіруші мен құқық қорғау органдарының өкілдері келді.
