Францияда Саркозидің бойына байланысты жанжал туып отыр
деп хабарлайды Би-Би-Си телекомпаниясы.
Өткен аптада президент Саркози автокөліктердің қосалқы бөлшектерін шығаратын Faurecia компаниясының кәсіпорнында болған еді. Бұл шара, президенттің ел экономикасын өз бақылауында ұстап отырғанын паш ету мақсатында өткізілген. Сол зауытта президент жұмысшылардың алдында сөз сөйлейді және ол бойлары өзімен қатарлас компания қызметкерлерінің тобының жанында тұрып сөз сөйлейді.
Сөйтсе, Faurecia компаниясының бір қызметкер әйелі бельгиялық RTBF телекомпаниясына берген сұхбатында, оны бойының аласалығына қарап, президенттің қасына тұруын таңдағанын айтады.
Кәсіпорын басшылығы дүйсенбі күні ресми мәлімдеме жасап, «Елисей сарайындағылардың президентпен кездесуге қатысқан қызметкерлерге ерекше талап қойғандығы туралы» әңгімені теріске шығарды. Бірақ та, кәсіподақ өкілдері де француз бұқаралық ақпарат құралдарына берген сұхбаттарында, президент әкімшілігі қойған талаптардың ішінде бой факторы да болғанын айтып отыр.
Француз басылымдарының жазуынша, президент Саркози өзінің бойының аласалығын (165-168 см) қатты уайымдайды екен. Бұған дейін ол биік өкшелі туфлимен бірнеше рет көзге түскен, ал мінбеде сөз сөйлеген кезде жасырын тұғырнамада тұратын көрінеді. Бұқаралық ақпарат құралдары онымен қоймай, Саркозидің зайыбы, бұрынғы фотомодель Карла Брунидің, күйеуінің қасында жүргенде жай табан туфли киетінін хабарлап отыр.