Француз тарапы Қазақстан мен Францияның экономикалық мүдделерін қорғау үшін құқықтық жүйе құруға ерекше назар аударады
БРЮССЕЛЬ. Шілденің 1-і. ҚазАқпарат /Димаш Сыздықов/ - Француз тарапы ең алдымен екі елдің экономикалық мүдделерін қорғау үшін, сенім жағдайын қалыптастырып,
экономикалық жақындасуды қамтамасыз ету үшін құрылатын құқықтық жүйе аясында, және де құқық саласында француз-қазақстан ынтымақтастығының дамуына көп көңіл бөледі.
Бұл туралы Франция президенті Николя Саркозиге сілтеме жасай отырып, ҚР Жоғарғы сотының төрағасы Мұсабек Әлімбековпен болған кездесу барысында Францияның әділет министрі Мишель Аллиот-Мари мәлім етті, деп хабарлайды Франциядағы Қазақстан Республикасының елшілігі.
Кездесу барысында тараптар екі елдің сот жүйесінде қалыптасып үлгерген әріптестік қарым-қатынасты ризашылықпен атап өтті. Олар стратегиялық әріптестікті тереңдете түсуге, заң ғылымы саласында кең көлемді мамандар алмасуға деген талпыныстарын растады.
ҚР Жоғарғы сотының өкілі Францияның әділет министрін 2010-2020 жылдарға арналған Құқықтық саясат тұжырымдамасының жүзеге асырылу барысымен таныстырды.
Келіссөз барысында Францияның әділет министрлігі ағымдағы жылғы ақпанның 15-інде басталып, 4 жылға арналған Еуропалық одақтың «Қазақстан Ресупбликасындағы сот және құқықтық жүйені қолдау» жобасының жүзеге асырылу барысына ерекше назар аударды.
