Фрэнсис Бэконның туындысы рекордтық бағаға сатылды
АСТАНА. ҚазАқпарат - Ағылшын суретшісі Фрэнсис Бэконның «Сөйлеп тұрған Джордж Дайердің портреті» атты картинасы Лондондағы Christie's аукцион үйінде рекордтық бағаға, атап айтқанда 42,1 млн.фунтқа (69,3 млн.доллар) сатылды, деп хабарлайды segodnya.ua.
Associated Press басылымы жазғандай, аталған сома еуропалық аукцион үйлерінде бұрын-соңды кездестірілмеген жоғары баға болып саналады. Картинаның бастапқы құны 30 млн.фунт (шамамен 50 млн.доллар) болып белгіленген еді.
Аталмыш картина алғаш рет сатылымға 1966 жылы (картина салынған жылы) Парижде қойылған болатын. Онда Бэконның нақсүйері Джордж Дайердің сөйлеп тұрған сәті сомдалған.
