Фридрих Мерц парламент қолдауына ие бола алмады

АСТАНА. KAZINFORM — Христиан-демократиялық және христиан-әлеуметтік одақтың (ХДО/ХӘО) консервативті блогынан кандидат Фридрих Мерц Бундестагтағы дауыс берудің бірінші турында канцлер болып сайлану үшін көпшілік дауыс жинай алмады, деп хабарлайды Kazinform тілшісі.

Христиандық демократтардың (ХДО) көшбасшысына 630 делегаттың 310-ы ғана дауыс берді. Ол қажетті абсолютті көпшілікті – 316 дауысты жинай алмады. Парламент депутаттарының 307-сі қарсы дауыс берді, тағы үшеуі қалыс қалды.

6 мамырда ХДО/ХӘО көшбасшысы үкімет басшысы болып тағайындалып, Германия Федеративтік Республикасының министрлер кабинеті жұмысқа кіріседі деп күтілген болатын. Үкіметтік коалиция парламентте 12 орындық басымдыққа ие және Ф.Мерцтің «ХДС», олардың Бавариядағы одақтастары – Христиан-әлеуметтік одақ (ХСС) және социал-демократтар (СДПГ) партияларынан құралған.

Осыдан кейін парламенттік фракцияларға кеңесу мүмкіндігін беру үшін отырыс жабылды.

Ф.Мерцтің екінші және үшінші рет сайлауға түсуге әрекет жасауы мүмкін деп саналады. Соңғы дауыс беруде оған тек салыстырмалы көпшілік дауыс жинау қажет, ал ол бірінші турда бұған қол жеткізген.

Бұған дейін Германияда ХДО/ХӘО консерваторлары мен социал-демократтары коалициялық келісімге қол қойғаны хабарланды. Онда олар көші-қонды шектеуге, бизнеске түсетін салық жүктемесін азайтуға және қорғаныс қабілетін арттыруға уағдаласты.