Фристайл-акробатика: Дінмұхаммед Райымқұлов Еуропа кубогында екі медаль жеңіп алды

АСТАНА. KAZINFORM - Айролода (Швейцария) фристайл-акробатикадан Еуропа кубогы аяқталды. Қазақстандық Дінмұхаммед Райымқұлов бұл жарыста екі медаль жеңіп алды, хабарлады Ұлттық олимпиадалық комитет.

Сайыстың бірінші күнінде Райымқұлов бірінші орынға бір қадам жетпей қалды. Ол екінші орынға ие болып, тек Максим Кузнецовқа (Украина) ғана жол берді.

Екінші күні қазақстандық спортшы алтын медаль жеңіп алды. Дінмұхаммед шешуші кезеңде 96,58 ұпай жинады.

Айта кетейік, фристайл-акробатикадан әлем чемпионатында Қазақстан құрамасы 7-орын алды.