Фристайл: Еуропа кубогында Жанбота Алдабергенова екі алтын еншіледі

АСТАНА. 20 наурыз. ҚазАқпарат - Швейцарияның Аирола қаласында аяқталған фристайлдан Еуропа кубогында қазақ қызы Жанбота Алдабергенова екі мәрте алтын жүлде жеңіп алды.

Акробатика бойынша сынға түскен Жанбота жарыстың алғашқы күні 152.47 ұпай жинады. Ал екінші күні 134.06 балл жинап, Еуропа кубогы кезеңінің екі мәрте жеңімпазы атанды, деп хабарлады «Аламан».

Акробатика. Бірінші жарыс күні. 1. Жанбота Алдабергенова (Қазақстан) - 152,47. 2. Таня Шерер (Швейцария) - 131,87. 3. Анна Рослик (Белоруссия) - 122,54.. Екінші жарыс күні. 1. Жанбота Алдабергенова (Қазақстан) - 134,06. 2. Таня Шерер (Швейцария) - 119,49. 3. Анна Рослик (Белоруссия) - 116,615.