«Фукусима-1» АЭС-і айналасында мұзды қорғанның құрылысы басталды

АСТАНА. ҚазАқпарат - Жапониядағы «Фукусима-1» АЭС-і ядролық ректорлары айналасына жерасты мұзды қорғанды салу жұмыстары басталды.

Атап айтқанда, мамандар осы қорған арқылы радиоактивті судың ағуына тосқауыл қоймақ.

Реакторлар айналасындағы жерге 1500 құбыр тартылмақ. Осы құбырлармен салқындатқыш сұйықтықтар қамтамасыз етіледі. Мұзды қорғанның ұзындығы 1,5 шақырымға созылады деп жоспарланып отыр.

Естеріңізге сала кетейік, 2011 жылдың көктеміндегі жер сілкінісі мен цунамидің салдарынан «Фукусима-1» атом электр стансасында аса ірі апат орын алған болатын. Содан бері стансада күрделі проблемалар туындауда.