«Фукусиманың» 1-ші блогына апаттан кейін алғаш рет сүзгiлердi орнату үшiн мамандар кiрдi

АСТАНА. 5 мамыр. ҚазАқпарат -"Фукусима-1″ АЭС-і 1-ші реакторының ғимаратына 11 наурыздағы апаттан кейін бүгін алғаш рет сүзгiлердi орнату және суытылған реактордың жағдайын тексеру үшiн мамандар кiрдi.

Бұл туралы бүгін станса операторы болып табылатын "Токио электрик пауэр" энергокомпаниясында хабарланды. Мамандар ғимараттың ішінде 40 минуттай уақыт болады.

ИТАР-ТАСС хабарлағандай, сәрсенбі күні радиоактивтi бөлшектердi сүзгiш- сорғыштардың көмегімен ауаны тазалау үшін 6 желдеткіш қондырғы жеткізілді. Сарапшылардың бағалауынша, бұл жаңа жүйені қолдану реактор ғимаратында радиациялық фонды сағатына 10-40 миллизиверттен сағатына бірнеше миллизивертке дейін төмендетуге мүмкіндік береді. Қарапайым адам үшін қалыпты норма сағатына 0,05 - 0,2 микрозиверт болып табылады. Ядролық нысандардағы апаттарды жоюшылар үшін, жергілікті заң бойынша, жылына 100 миллизиверт мөлшерде сәулеленуге болады.