Футбол: «Ақжайық» премьер-лигаға қайтып оралды

ОРАЛ. ҚазАқпарат – Оралдың «Ақжайық» футбол клубы премьер-лигаға қайтып оралды, деп хабарлайды ҚазАқпарат тілшісі.

«Ақжайық» футбол клубының директоры Азамат Шайхының мәлім еткеніндей, биыл премьер-лигада 14 команда ойнайтын болғандықтан, сол сапқа оралдықтар да қосылды.

«Біз өткен маусымда бірінші лигада өз тобымызда «Атыраудан» кейін екінші орынға ие болдық. Осы спорттық нәтиже бойынша премьер-лигаға оралып отырмыз. Жуырда бас бапкер мәселесі шешілетін болады. Жаңадан ойыншылар алынады. Қазір команда Оралда жаттығуда. Рұқсат берілсе, Түркияға оқу-жаттығу жиынына баратын боламыз», деді ҚазАқпарат тілшісіне Азамат Шайхы.

Еске сала кетейік, бұдан бұрын премьер-лигада 14 команда ойнайтын болғанын жазған едік.