ФУТБОЛ: «Астана»-«Марибор» матчы оны тамашалауға жиналған жанкүйерлер саны бойынша еурокубок матчтарының үздік үштігіне енді

АСТАНА. ҚазАқпарат - Елордалық «Астана» футбол командасы мен словениялық «Марибор» матчы оны тамашалауға жиналған спортсүйер қауымның саны бойынша еурокубоктардағы қазақстандық клубтардың өз алаңында өткізген матчтарының үздік үштігіне енді, деп жазады Sports.kz.

Айта кетейік, 22 шілде күні «Астана-Арена» стадионында УЕФА Чемпиондар Лигасының екінші іріктеу кезеңінде «Астана» футбол командасы словениялық «Мариборды» қабылдап, 3:1 есебімен ұтты. Бұл матчты 23 650 адам тамашалаған.

Осылайша, бұл ойын ең көп жанкүйер жиналған ойындардың үштігіне енді.

Сонымен, еурокубоктардағы ең көп жанкүйер жинаған қазақстандық футбол клубтарының өз алаңындағы мачтары: 1. «Шахтёр» (Қарағанды) - «Селтик» (Шотландия). «Астана Арена» 29 950 көрермен тамашалады; 2. «Астана» (Астана) - «Вильярреал» (Испания). «Астана Арена» 27 500 көрермен тамашалады; 3. «Астана» (Астана) - «Марибор» (Словения). «Астана Арена» 23 650 көрермен тамашалады; 4. «Кайрат» (Алматы) - «Алашкерт» (Армения). «Орталық» стадион. 22 100 көрермен тамашалады.