Футбол: Бүгін «Ақтөбе» Еуропа лигасының плей-офф кезеңіндегі қарымта ойында «Вердермен» ойнайды
АСТАНА. Тамыздың 27-сі. ҚазАқпарат /Ернұр Ақанбай/ - Бүгін «Ақтөбе» футбол клубы 2009/2010 жылғы Еуропа лигасының плей-офф кезеңіндегі қарымта ойында өз алаңында Германияның «Вердер» (Бремен) командасын қабылдайды,
деп хабарлайды ҚазАқпарат.
Айта кетейік, екі команда арасында бұдан бір апта бұрын Бременде болған бірінші кездесу 6:3 есебімен германиялық клубтың пайдасына шешілген болатын. Еуропа лигасының плей-офф кезеңінен топтық кезеңге өту үшін «Ақтөбеге» өз қақпасына гол жібермей, «Вердерді» 3:0 есебімен ұту қажет.
Матчты футбол жанкүйерлері бүгін 19 сағат 55 минөтте «Еларнадан» тікелей эфирде тамашалай алады. Кездесуге Владимир Хринак бастаған словакиялық төрешілер бригадасы қазылық жасайды.
