Футбол: Еуропа чемпионаты Францияға €1,22 млрд әкелді
АСТАНА. ҚазАқпарат - 2016 жылы футболдан Еуропа чемпионатын өткізу Францияға €1,22 млрд қаржы әкелді.
Бұл туралы сейсенбіде France Press елдің Спорт министрлігі жариялауы тиіс зерттеуге сілтеме жасап хабарлады.
Зерттеуге сәйкес турнир уақытында Францияға 613 турист келген, олардың әрқайсысы күніне €154 жаратып, елде шамамен 7,9 тәуліктей болды.
Еске сала кетсек, Еуропа чемпионаты 10 маусым мен 10 шілде аралығында өтті. Франция командасын (1:0 қосымша уақытта) жеңген Португалия құрамасы турнир жеңімпазы атанды.
