ФУТБОЛ: Икер Касильяс «Реалмен» қоштасады
АСТАНА. ҚазАқпарат - «Реалдың» әйгілі қақпашысы Икер Касильястің «Порту» клубына ауысуы туралы ақпарат ресми түрде бірер сағатта расталады, деп хабарлады eurosport.ru.
«Реал» мен «Порту» клубтары Касильяс туралы келісімге келді. Жұма күні қақпашы жанкүйерлерімен қоштасады, деп жазды Корольдік клубтың демеушісі «Bwin» компаниясы «Твиттердегі» жеке парақшасында. Шара жергілікті уақытпен сағат 13:00 «Сантьяго Бернабеу» стадионында өтпек. «Реал» құрамында 16 жыл бойы ойнаған Касильястың келісімшарты 2017 жылға дейін жасалған. Кей деректерге қарағанда, португалиялық клубқа көшкеннен кейін «Мадрид» футболшыға жылына қосымша төрт миллион еуро төлемек. 34 жастағы Икердің орнына «Манчестер Юнайтедтегі» Давид де Хеаның ауысып келуі ықтимал.
