ФУТБОЛ: Қазақ жігітіне Ресейдің белді клубтары құда түсіп отыр
АСТАНА. 26 қаңтар. ҚазАқпарат - Биылғы Достастық кубогында тамаша ойынымен талай жанкүйерге жаққан қазақ футболшысы Бауыржан Исламханды Ресейдің белді командалары өз құрамына алуға дайын, деп хабарлайды «Аламан» ұлттық спорт порталынан.
Бауыржан Исламханға қазір мәскеулік «Динамо» мен ЦСКА командалары көз тігіп отыр. Және бұл ресейлік екі клуб қазақ футболшысымен келісім шарт жасасуға дайын екендіктерін мәлімдеді. Қазір мәскеулік клубтар Бауыржан Исламханмен келісім шарт жасасуға талпыныс жасап жатыр.
Бауыржан қазір ресми түрде «Тараз» командасының ойыншысы. Және ол ресейлік клубтарға ауысу үшін Жамбыл облыстық әкімдігінен арнайы рұқсат керек.
