Футбол: Қазақстан-Англия матчына болгариялық мамандар төреші болады

АСТАНА. ҚазАқпарат - 4 қыркүйек күні футболдан Қазақстанның әйелдер құрамасы өз алаңында Англиямен 2019 жылғы әлем чемпионатына іріктеу турының қорытынды матчын өткізеді, деп хабарлайды sports.kz.

Бұл ойында болгариялық мамандар төрелік етеді. Бас төреші - Християна Гутева, көмекшілері - Екатерина Маринова мен Мирела Иванова. Резервтегі арбитр - қазақстандық Елена Алистратова.

Матч инспекторы Ирина Мирт (Румыния).

Ойын Павлодардағы «Центральный» стадионында өтеді.