ФУТБОЛ: Қазақстан чемпионатының бас мергені И.Зенькович «Ақжайықтан» кетті

АСТАНА. 2 мамыр. ҚазАқпарат - Футболдан «Ақжайық» командасының ойыншысы, биылғы маусымда сұрмергендер көшін бастап келе жатқан Игорь Зенькович клубтан кетті. Бұл туралы «Ақжайықтың» ресми сайтына сілетем жасап «Аламан» хабарлады.

Зенькович биылғы чемпионат басталғалы тоғыз голдың авторы атанды. Бірақ «Ақжайықтағы» жалақы мәселесі ойыншының командадан кетуіне себеп болып отыр. Әзірге Зеньковичтің қай командаға ауысатыны белгісіз.

Бұған дейін осы клубтың бас бапкері Погос Галстян да өз еркімен қызметінен кеткен еді.