Футбол: Қазақстан-Германия есеп 0:2

АСТАНА. 22 наурыз. ҚазАқпарат - Дәл қазіргі уақытта елорданың «Астана Арена» стадионында көптен күткен кездесу Қазақстан мен Германия құрамалары арасында футболдан матч өтуде.

Әзірше Қазақстан құрамасы түн ұйқысын төрт бөліп, «Астана Арена» стадионына жиналған жанкүйерлерін тамаша ойын өрнегімен қуанта алар емес. Ойының белортасына жетпей жатып ақ қатарынан екі гол жіберіп алды.

Алғашқы голды ойынның 20 минуынтында Бастиан Швайнштайгер соқса, араға екі минут салып командаласы Марио Гетце есепті еселей түсті.

Естеріңізге сала кетейік, 2014 жылы Бразилияда өтетін әлем чемпионатының ірктеу кезеңінде өтіп жатқан матчқа грекиялық Тасос Какос төрелік жасауда.

Жасыл алаңда Қазақстан құрамасы сапында мына ойыншылар: Андрей Сидельников (22), Александр Киров (2), Юрий Логвиненко (3), Марк Гурман (5), команда капитаны - Қайрат Нұрдәулетов, Виктор Дмитренко (8), Сергей Остапенко (9), Марат Хайруллин (10), Мақсат Байжанов (15), Генрих Шмидтгаль (16) және Бауыржан Жолшиев (23) ойнауда.

Ал Германия құрамасы сапында Мануэль Нойер (1), Марсель Шмальцер (3), Бенедикт Хеведес (4), Сами Хедира (6), Бастиан Швайнштайгер (7), Месут Озил (8), Юлиан Дракслер (11), Томас Мюллер (13), команда капитаны - Филипп Ламм (16), Пер Мертезакер (17), Марио Гетце (19) сынды ойыншылар бар.