ФУТБОЛ: Қазақстан - ҚР Президенті кубогінің иегері
АСТАНА. 14 мамыр. ҚазАқпарат - ҚР Президентінің кубогі үшін финалдық ойында Қазақстанның жастар құрамасы Ираннан 1:0 есебімен басым түсті.
Кездесуде салынған жалғыз голдың авторы - алматылық «Қайраттың» жартылай қорғаушысы Максим Котов. Алаңға 67 минутта шыққан ол 75 минутта есеп ашты.
Сонымен Қазақстан құрамасы ҚР Президентінің кубогінің иегері атанды. Финалда сүрінген Иран құрамасы - екінші, ал үшінші орынды Литвадан келген жастар еншіледі.
