ФУТБОЛ: Қазақстан жастар құрамасы ТМД Кубогында литвалықтардан басым түсіп, жеңіске жетті

АСТАНА. ҚазАқпарат - Футболдан Қазақстан жастар құрамасы Достастық елдері Кубогының екінші матчы кезінде Литва құрамасын 1:0 есебімен жеңіп кетті.

Қазақстан құрамасының бастапқы құрамында Павлов, Асылан, Сартақов, Федин, Рудосельский, Тұнғышбаев, Шайықов, Куксин, Төлиев, Айымбетов, Хайруллин сынды ойыншылар болды, деп жазады Sports.kz. Бірінші таймда қазақстандық ойыншылар басымдыққа ие болса да, көздегендеріне жете алмады. Алайда үзілістен кейін олар озық шығып, есепті Абат Айымбетов ашты, одан кейін есеп еш өзгермеді. Енді Қазақстан құрамасы 20 қаңтар күні Астана уақыты бойынша сағат 15.00-де оңтүстікафрикалық ойыншылармен кездеседі.