Футбол: Марадона 2014 жылғы әлем чемпионатын жүргізетін болады
АСТАНА. ҚазАқпарат - Атақты аргентиналық шабуылшы Диего Марадона штаб-пәтері Венесуэлада орналасқан латынамерикандық "Телесур" телеарнасы үшін футболдан 2014 жылғы әлем чемпионатының ойындарынан репортаждар дайындайтын болды.
Бұл туралы жергілікті БАҚ мәлім етті.
«Мен өз өмірімдегі аса маңызды және көңіл толқытарлық келісімшартқа қол қойдым»,-делінген аты аңызға айналған футболшының хабарламасында.
Айта кетер жайт, әлем чемпионаты кезінде Марадона репортаж жүргізіп қана қоймай, өткен әр ойынның маңызды тұстарына сараптама жасайды.
Еске сала кетсек, футболдан 2014 жылғы әлем чемпионаты Бразилияда 12 маусым мен 13 шілде аралығында өтеді.
