ФУТБОЛ: «Милан» «астаналық» Максимовичті сатып алғысы келеді
АСТАНА. ҚазАқпарат - «Сalciomercato.com» ақпараты бойынша, Италияның «Милан» футбол командасы «Астананың» 20 жастағы сербиялық жартылай қорғаушысы Неманьи Максимовичті сатып алуға қызығушылық танытып отыр, деп жазады Sports.kz.
«Миланның» бас жаттықтырушысы Синиш Михайлович Максимовичтің ойнау қабілетін Сербия ұлттық құрамасының жетекшісі болған кезде байқаған. Сондықтан, ол болашағынан үміт арттыратын ойыншыға 5 миллион еуроны құрайтын ұсыныс жасауы мүмкін. Неманьи Максимович «Астанамен» келісімшарты 2017 жылға дейін жасаған.
