Футбол: «Шахтер» мен «Ақтөбе» арасындағы 17-інші турдағы ойын кейінге шегерілді

деп хабарлайды ҚазАқпарат.

 «Ақтөбе» футбол клубының 2009/2010 жылдардағы Еуропа чемпиондары лигасының іріктеу турниріне қатысуына байланысты, Премьер-лига командалары арасындағы Қазақстан біріншілігінің 17-інші турындағы «Шахтер» мен «Ақтөбе» арасындағы тамыздың 1-інде болуы тиіс кездесу біршама кейін мерзімге шегерілді», делінген Қазақстан футбол федерациясының таратқан хабарламасында.

  Еске сала кетсек, футболдан өткен маусымдағы ел біріншілігінің жеңімпазы «Ақтөбе» 2009/2010 жылдардағы Еуропа чемпиондары лигасының үшінші кезеңіне шыққан болатын. Екінші іріктеу кезеңіндегі «Ақтөбе» қос кездесудің қорытындысы бойынша Исландия чемпионы - «Хафнарфьордюр» командасынан басым түсті. Сырт алаңда өткен кездесуде 4:0 есебімен жеңіске жеткен ақтөбеліктер, қарымта ойында өз алаңында  қарсыласын  2:0 есебімен ұтты. Енді үшінші іріктеу кезеңінде «Ақтөбе» Израильдің «Маккаби» (Хайфе) клубымен кездеседі. Бірінші ойын шілденің 28-інде Ақтөбеде, қарымта ойын тамыздың 5-інде Хайфеде өтеді.