ФУТБОЛ: Сымақов пен Лория «Қайратқа» ауысуы мүмкін
АСТАНА. 5 маусым. ҚазАқпарат - Футболдан түріктің «Ризеспор» командасында ойнайтын қазақстандықтар Самат Сымақов пен Давид Лория «Қайрат» командасына ауысуы мүмкін. Бұл туралы «Аламан» хабарлады.
Самат Сымақов пен Давид Лория ойнайтын «Ризеспор» биыл Түркия суперлигасына шыққан еді.
Сымақов «Қайратқа» ауысуы туралы: «Әрине, Түркия суперлигасында ойнағым келеді. Бірақ қазір әйелімнің аяғы ауыр. Жақында нәрестелі боламыз. Сондықтан соның қасында болғым келеді. Қазір «Қайрат» пен «Ризеспор» командалары арасында келіссөз жүріп жатыр. Егер екі жақ келіссе, «Қайратқа» ауысамын. Ал «Ризеспор» мені босатпаймыз десе Түркияда ойнай беремін» деді.
