ФУТБОЛ: Жамбыл Көкеев «Шахтерден» кетті

АСТАНА. 30 мамыр. ҚазАқпарат - Футболдан Қазақстан ұлттық құрамасы мен қарағандылық «Шахтер» командасының ойыншысы Жамбыл Көкеев «Қайрат» командасында медициналық тексерістен өтіп жатыр. Футболшы «Шахтер» командасынан біржолата кеткен, деп хабарлайды «Аламан».

Ал «Шахтер» бапкері Виктор Кумыков «Көкеев енді біздің команда үшін мүлде ойнамайды. Оны «Шахтер» сапына қайта алмаймыз» деп мәлімдеді.

«Қайрат» командасы әзірге Жамбыл Көкеевтің клубқа ауысу ауыспауы туралы нақты ақпарат таратқан жоқ. Белгілісі, Көкеев «Шахтерден» кетті.