Футбол жұлдызы Джордж Веа Либерия президенті болып сайланды

 АСТАНА. ҚазАқпарат - Танымал либериялық футболшы Джордж Веа  өз елінің президенті болып сайланды.

 Ол 1995 жылы «Алтын доп» иегері атанып, әлемнің үздік ойыншысы болған еді. Либериядағы мемлекет басшысы сайлауы кеше өтті және Веа Либерияның қазіргі вице-президенті Джозеф Бокаядан басым түсті.

Футбол жұлдызы Веа 2011 жылы  Нобель сыйлығының лауреаты болған Элен Джонсон-Серлифтің орнына Либерияның президенті атанды. Ал Джонсон-Серлиф он екі жыл бойы мемлекет басшысы болған еді.