Футболдан жастар құрамасының ұшағына жай түсті

АСТАНА. 30 мамыр. ҚазАқпарат - Ресейдің футболдан жастар құрамасы мінген ұшаққа жай түсті. Олардың барлығы дін аман.

Бұл туралы Twitter әлеуметтік желісіне «Локомотивтің» жартылай қорғаушысы Тарас Бурлак жазған.

Ұшақ Мәскеуден Израильдегі Еуропа чемпионатына бет алған-ды. «Біздің ұшақ көкке көтерілген кезде оған жай түсті. Бірақ біз Израильдеміз, қазір жаттығуға бара жатырмыз», - дейді аяқдопшы.

Еуро-2013 додасының топтық кезеңінде ресейлік құрама испандықтармен, нидерландықтармен және германиялықтармен бақ сынасады.