Футзалдан ұлттық құрама Еуропа чемпионатына дайындықты бастады
АСТАНА. ҚазАқпарат - Футзалдан Қазақстан ұлттық құрамасы қаңтар айының соңында басталатын Еуропа чемпионатына дайындықты бастады, деп хабарлайды ҚазАқпарат prosports.kz сайтына сілтеме жасап.
Бразилиялық маман Какаудың шәкірттері Словенияның Любляна қаласында өтетін Еуро-2018 турниріне тыңғылықты дайындалуда. Осы жолғы дайындыққа 25 футзалшының 17-сі шақырылды. Бірақ Словенияға олардың 14-і ғана барады.
Сонымен қатар ұлттық құрамамыз 27 қаңтарда Украинамен жолдастық кездесу өткізуді жоспарлап отыр. Ал Еуропа чемпионатындағы алғашқы ойынымыз 1 ақпанда Польша құрамасына қарсы өтеді. Араға екі күн салып, топтағы екінші қарсыласымыз - Ресеймен күш сынасатын боламыз.
Оқу-жаттығу жиынына шақырту алған футзалшылар:
Қақпашылар: Григорий Шамро («Ақтөбе»), Игита («Қайрат»);
Алаңдағы ойыншылар: Арнольд Кнауб, Александр Довгань, Даурен Тұрсағұлов, Біржан Оразов (Бәрі - «Жетісу»), Серік Жаманқұлов, Лео, Дінмұхамбет Сүлейменов, Шыңғыс Есенаманов, Михаил Першин, Дуглас, Даурен Нұрғожин (Бәрі - «Қайрат»), Павел Таку, Қайрат Иманалин, Альберт Акбаликов (Бәрі - «Ақтөбе»), Антон Рындин («Аят»).
