Ғаламторда тек байларға арналған әлеуметтік желі пайда болды
АСТАНА. ҚазАқпарат - Ғаламторда The Netropolitan Club атты әлеуметтік желі пайда болды. Ол тек бай адамдар үшін ғана қолжетімді. Себебі, оған тіркелу үшін ғана 9 мың доллар көлемінде қаражатыңыз болуы тиіс.
Сондай-ақ желіні пайдаланушы оған жылына 3 мың доллар көлемінде қаражат салып тұруы керек, деп хабарлайды Day.Az.
Ерекше интернет ресурсын жасап шығарғандар желіде тіркелгендер жайлы мәліметтерді басқа адамдарға бермеуге уәде етуде. Себебі, ол «бос уақытынан гөрі ақшасы көп адамдарға арналған».
Бұл әлеуметтік желіге тіркелушінің қалтасының қалыңдығынан басқа, жасы 21-ден асқан болуы шарт. Мұнда жарнамаға орын болмайды, алайда желі иелері мүшелеріне өздерінің айналысатын істері туралы жазатын топтар құруды ұсынуда. Жақын арада оның Android пен iOS қосымшалары да іске қосылмақ.
