Бразилия президентіне лабиринтит диагнозы қойылды

АСТАНА. KAZINFORM — Дәрігерлер Бразилия президенті Луис Инасиу Лула да Силваға лабиринтит, яғни ішкі құлақтың қабынуы деген диагноз қойды, деп хабарлайды Азертадж G1 порталына сілтеме жасап. 

Сараптама 79 жастағы ел басшысының бас айналуына шағымданғаннан кейін жүргізілді. Көшбасшы денсаулығына байланысты барлық ресми кездесулерден бас тартты.

Науқас қазір Президент сарайында тұрып жатыр. Дәрігерлер оған демалуға кеңес берді.
2024 жылдың қазан айында Лула да Сильва резиденциясының ванна бөлмесінде құлап, басын жарақаттады.

Медициналық қорытынды бойынша басының артқы жағында жарақат бар. Қарау кезінде аздаған қан кету, бас миының шамалы шайқалғаны анықталды.

Желтоқсан айында Бразилия президенті бас ауруына шағымданып, ауруханаға түскен.  Дәрігерлер одан апаттан кейін интракраниалды қан кетуді анықтады. Содан кейін «гематоманы дренаждау» үшін краниотомия диагнозы қойылды. Кейін тағы бір ота жасалды. Ол кезде науқас бірнеше күн ауруханада емделген.