Ғалымдар әйелдердің ең тартымды кезі қай жас екенін анықтады

АСТАНА. ҚазАқпарат - Або академиясының ғалымдары (Турку, Финляндия) ер адамдардың көзқарасы бойынша әйелдердің ең тартымды кезі қай жас екеніне зерттеу жүргізді.

Ғылыми жұмыс нәтижесіне сәйкес ер адамдарға 20-дан 30 жасқа дейінгі әйелдер ұнайды. Бұл барлық жас санатындағылар үшін сипатты: 20 жасқа дейінгі жастар қатарласына қарағанда, өзінен біршама үлкен әйелдерге қызығушылық танытады, ал 30 жастан асқаннан кейін ер адамдарға жас әйелдер ұнай бастайды.

Мамандардың айтуынша, бұл таңдау эволюциялық факторларға байланысты: үшінші онжылдық әйелдердің бала туатын дер кезі саналады. Ер адамның жоспарына бала туу кіре ме, жоқ па, ішкі түйсік арқылы ол ұрпағына денсаулық сыйлауға қабілетті әйелдерді таңдауға көшеді, деп жазады шетелдік БАҚ.