Ғалымдар неолит дәуіріндегі иттің басын реконструкциялады
НҰР-СҰЛТАН. ҚазАқпарат - Ғалымдар 4,5 мың жыл бұрын Оркней аралдарында өмір сүрген иттің басын реконструкциялады. The Guardianбасылымының жазуынша, сарапшылар иттердің басы әлем бойынша алғаш рет реконструкцияланғанын айтқан.
«Бұл ит Шотландия аралдарының бірінде неолит дәуірінде қолға үйретілген. Historic Environment Scotland (HES) мәліметтеріне сенсек, иттің түр әлпеті қасқырға ұқсас болып шыққан. Бұл ұйым реконструкцияны Шотландияның Ұлттық музейімен бірігіп жасаған», - деп жазады басылым.
