Ғалымдар таяудағы 20 жылдың ішінде Ресей халқының азаятындығын ескертті
АСТАНА. ҚазАқпарат - 19 жылдан кейін Ресейдің халық саны 83 мың адамға азаяды. Бұл туралы Мәскеудегі Гайдаровский форумында ғылыми сарапшылар мәлімдеді, деп хабарлайды «Известия» газеті.
Ғалымдардың жасаған Ресей демографиялық еңбегінде көрсетілгендей, 2016 жылдың 1 қаңтарында елде 146,545 миллион адам өмір сүрсе, 2035 жылы олардың саны 146,462 миллионға кемімек. Экономика жоғары мектебі ғылыми-зерттеу университеті Демография институтының директоры Анатолий Вишневскийдың айтуынша, Ресейде халықтың табиғи азаюы ағымдағы демографиялық пирамида салдарынан өседі.
«Қазір туу саны аз болған 1990 жылы туған балалар ата-ана атануда. Сондықтан аналар саны аз. Ертелі-кеш дүниеден өтетін қарт кісілер саны қатар өсуде», - деп түсіндірді Вишневский.
