Ғалымдар: жеткіншектердегі артық салмақ обыр дертінің қаупін арттырады

АСТАНА. ҚазАқпарат - Жасөспірім кездегі артық салмақ болашақта колоректальды обырдың немесе тоқ ішек обырының даму қаупінің артуымен байланысты. Бұл туралы тиісті зерттеу жүргізген америкалық және швециялық ғалымдар мәлімдеді, деп жазады Би-би-си.

Олар 35 жыл бойы шамамен 240 мың швециялық ер адамның денсаулығын бақылаған.

Gut журналында жарияланған олардың сараптамалары көрсеткендей, толық жеткіншектердің тоқ ішегінде ісіктің даму қаупі екі есеге артады.

Семіздіктен зардап шегетін жастарда мұндай қауіп арта түседі.