Ғалымдар жүрек-қан тамырлары аурулары дамуының себептерін болдырмайтын вакцина жасады

АСТАНА. 3 сәуір. ҚазАқпарат - Лунд университетінің швед ғалымдары адам организмінің иммундық жүйесін күшейтетін химиялық қосылысты жасады, деп хабарлады ИТАР-ТАСС.

 Бұл вакцина жүрек-қан тамырлары аурулары дамуының себептерін жояды.

«Вакцина тамырлар қабырғасына холестерин жиналуына жол бермейді. Соның нәтижесінде инфарктінің басты себебі болып табылатын тамырлардың тарылуының алдын алады», - деп атап өткен Би-Би-си.

Осы вакцинамен бірге аэрозоль түріндегі дәрі жасалуда. Инфарктіге қарсы тұра алатын бұл препарат таяудағы бес жылдың ішінде дәріханаларға түседі деп күтілуде.