Гамбург дәрігерлері ереуілге шықты
АСТАНА. ҚазАқпарат - Гамбург қаласында бірнеше клиниканың 1600 қызметкері қаланың басты көшелерімен жүріп өтті, деп хабарлайды 24.kz.
Олардың шеруге шығуы салдарынан 120 бөлімшенің жұмысы тоқтап қалды. Дәрігерлер жалақыны 6%-ға өсіруді талап етуде. Бұл 200 еуро көлеміндегі қаражат екен. Ұйымдастырушылардың айтуынша, бұл жай ғана ескертпе ереуіл. Егер талаптары орындалмаса, олар Гамбург көшелеріне бұдан да көп дәрігерді алып шықпақ.
