Ганада жол апатынан 23 адам мерт болды
АККРА. АНАДОЛЫ - ҚазАқпарат – Гананың Ашанти провинциясында жолаушылар автобусы жүк көлігімен соқтығысып, салдарынан 23 адам мерт болды, 11 адам ауруханаға жатқызылды, деп хабарлайды ҚазАқпарат Анадолы агенттігіне сілтеме жасап.
Жергілікті БАҚ-тың мәліметінше, жол-көлік оқиғасы Акра-Кумаси тасжолында болды.
Жолаушылар автобусының жүргізушісі рульге ие бола алмай қалып, жолдың қарсы бетіне шығып кеткен.
Зардап шеккендер ауруханаға жеткізілді. Олардың кейбірінің жағдайы ауыр.
Билік қаза тапқандар санының артатынына қауіптенеді.
