Ганадағы су тасқынынан алты адам қаза тапты
АСТАНА. 27 қазан. ҚазАқпарат - Африканың Гана республикасының астанасы Аккра қаласындағы шелектеп құйған жаңбырдан кем дегенде алты адам қаза тапты,
деп хабарлайды Утро.ру.
Қаладағы бірнеше ірі автокөлік жолдары су астында қалған. Жалпы алғанда 1,6 миллионнан астам адам тұратын қаланың бірнеше аудандары бір-бірінен толықтай хабар үзді.
Ганадағы қазан айында жауған сел табиғат ауытқушылығы болып табылады, себебі бұл жерде жаңбырлы маусым тамыз айында аяқталады.
