Ғарышкерлер қатарына қосылу үшін мені ең бірінші медициналық комиссияға М.Алтынбаев жіберген - А.Айымбетов

АСТАНА. ҚазАқпарат - Бүгін Тұңғыш Президент атындағы Ұлттық Қорғаныс университетінде Халық Қаһарманы, сенатор, екі рет Қорғаныс министрі болған Мұхтар Алтынбаевтың 70 жасқа толуына орай «М.Алтынбаев: Генералдың жолы. Ерлік пен даңқтың жылдары» атты ғылыми-практикалық әскери конференция өтті. Конференцияға қатысқан Халық Қаһарманы, тәуелсіз Қазақстанның тұңғыш ғарышкері, полковник Айдын Айымбетов М.Алтынбаевтың ағалық қамқорлығы мен әскери іскерлігі туралы айтып берді.
None
None

«Мұхтар Қапашұлы - жеке мен үшін әскери ұшқыштың үлгісі. Қазақстан тәуелсіздігін енді алған кезде Мұхтар Алтынбаев әскери қызметте еді, өмірін Отан қорғауға арнаған азамат. Ұшқыштан бастап Қорғаныс министрі қызметіне дейін өрледі. Бұл да болса Мұхтар Қапашұлының қызметке адал екенін байқатады. Сондықтан, Мұхтар Алтынбаевтың мерейтойына арналған конференцияның бізге де, жастарға да берері мол»,-дейді А.Айымбетов.

Ғарышкер Мұхтар Алтынбаевты ұшақтың барлық түрін игерген ұшқыш ретінде де үлгі тұтатынын атап өтті. «Мұхтар Алтынбаев - ұшақтың барлық түрін әбден меңгерген ұшқыш. Бұл кісінің әскери іскерлігінен бөлек, ағалық қамқорлығын да айта кеткім келеді. Дәл М.Алтынбаевтың бұйрығымен мен ғарышкерлер отрядына қосылу үшін ең бірінші медициналық комиссияға жолдама алған едім»,-деп еске салады А.Айымбетов.

Соңғы жаңалықтар