Ғарышкерлер Қазақстанға қонады деп күтілуде
АСТАНА. ҚазАқпарат - Бүгін Росавиация авиациялық іздеу және құтқару қызметі Халықаралық ғарыш стансасында жұмысын аяқтайтын халықаралық экипажды күтіп алады, деп хабарлады «ҚазАқпарат» ХАА тілшісі.
«Аппарат дүйсенбі, 10 сәуірде жергілікті уақыт 17.21-де қонады деп күтілуде. Экипажды Қарағанды әуежайында 21.00-ден кейін күтіп алады», - деп хабарлады Росавиация авиациялық іздеу және құтқару қызметі Бірыңғай жүйесінің Байқоңыр филиалының бастығы Сергей Семченко.
Бұдан бұрын хабарланғандай, «Союз-МС-02» басқарылатын капсуласы экипажының қонуын жерүсті құтқару қызметінің 200-ден астам мамандары қамтамасыз етеді.
Ұзақ ғарыш экспедициясынан кейін жерге Ресей ғарышкерлері кеме командирі Сергей Рыжиков, бортинженер Андрей Борисенко, сондай-ақ NASA астронавты Роберт Шейн Кимброу оралады.
