Ғарыштағы спутник Ирандағы зымыранның жарылысын түсіріп алды
НҰР-СҰЛТАН. ҚазАқпарат – Иран ғарыш айлағының старттық алаңында спутниктің ұшырылымын іске асыруы тиіс болған зымыран жарылды, деп хабарлайды ҚазАқпарат Associated Press-ке сілтеме жасап.
«Төтенше жағдай Иранның Семнан провинциясындағы Имам Хомейнидің ғарыш орталығында болды. Иран билігі оқиға жөнінде әзірге ресми мәлімдеме жасаған жоқ», - делінген хабарламада.
Басылым старттық алаңның төбесінен төнген қара түтін мен зымыранның өртенген қалдықтары көрінген спутниктік суреттерді жариялады. Оқиға орын алмас бұрын старттық алаң спутниктік суреттерде көк түспен көрінген.
