Гавай аралдарындағы жанартау Пахоа ауылына жақындады
АСТАНА. ҚазАқпарат - Гавай аралдарында оянған жанартау Пахоа ауылына қарай жақындап қалды, деп жазады khabar.kz.
Жанартаудың күл мен от араласқан көшкіні бір апта бойы жылжып келеді. Мамандардың айтуынша, көшкіннің температурасы Фаренгейт шкаласы бойынша 2 мың 100 градусқа барады.
Жергілікті билік қауіп төніп тұрған 50-ден астам тұрғын үйді көшіру туралы шешім қабылдады.
Жалпы бұл жанартау 1983 жылдан бері жиі-жиі бой көрсетіп қояды.
