Газа секторындағы сұмдық біздің көз алдымызда болып жатыр - БҰҰ
Біріккен Ұлттар Ұйымы жақын күндерде Газада болуы мүмкін жағдайға алаңдаушылық білдірді. Бұл туралы Дүниежүзілік ұйымның бас хатшысының өкілі Стефан Дюжаррик мәлімдеді.
Kazinform агенттігі бұл туралы Анадолы ақпарат агенттігіне сілтеме жасап хабарлайды.
«Газадағы гуманитарлық апат біздің көз алдымызда болып жатыр. Жағдай өте ауыр. Біз алдағы бірнеше күнде не болатынына қатты алаңдап отырмыз», - деді ол.
Оның айтуынша, БҰҰ Бас хатшысы Антониу Гутерриш демалыс күндері Палестина эксклавындағы жағдайға байланысты қарқынды келіссөздер жүргізді.
Дюжаррик БҰҰ-ның Газа секторында гуманитарлық атысты тоқтату туралы үндеуін қайталады.
