01:17, 28 Наурыз 2015 | GMT +5
Геннадий Головкин биыл кемінде тағы үш рет жекпе-жекке шығады
АСТАНА. ҚазАқпарат - Орташа салмақ дәрежесі бойынша әлем чемпионы Геннадий Головкин жыл соңына дейін кем дегенде тағы үш жекпе-жегін өткізеді. Бұл туралы спортшының менеджері Олег Герман айтты, деп жазады Sports.kz.

«2015 жылға төрт жұдырықтасу өткізуді жоспарлаған едік. Егер үлгерсек, сол жоспардағылардан басқа, жыл соңында тағы бір жекпе-жек өткіземіз. Барлық кездесулер АҚШ-та өтеді», - деді О.Герман.