Геннадий Головкин: Күн өткен сайын күштірек болғым келеді
АСТАНА. ҚазАқпарат - Бірнеше нұсқа бойынша орта салмақтағы әлем чемпионы Геннадий Головкин GGGBoxing-тің Youtube-тағы ресми арнасына өзінің жаттығу барысы туралы сұхбат берді, деп хабарлайды Sports.kz.
«Екі аптадан бері залда жаттығу үстіндемін. Мен бұл уақыттан ләззат алудамын. Себебі биылғы жыл менің болашағым үшін өте табысты болады деген үміттемін. Әрбір күн - басқан әрбір қадам секілді, күннен-күнге күштірек болғым келеді. Күн сайын қадамымды арттырып келемін. Бұл мені ынталандырады. Бұл мен үшін оңай, әйтсе де, өзгелерге қиынға соғуы мүмкін», - деді Геннадий.
