Геннадий Головкин: Мейвезермен кездесу үшін салмағымды 154 фунтқа түсірер едім

АСТАНА. ҚазАқпарат - WBA мен IBO нұсқалары бойынша орта салмақтағы әлем чемпионы Геннадий Головкин оның Флойд Мейвезермен кездесуі әлемдегі айтулы жекпе-жек бола алатынын айтты, деп хабарлады Sports.kz.

- Дәл қазір бұл - әлемдегі ең айтулы жекпе-жек. Ол (Мейвезер) - ұлы чемпион. Маған қараңыздаршы. Мен ірі және толық емеспін. Соңғы жекпе-жектерім 158 және 159 фунттарында өтті. Мен Мейвезермен кездесу үшін салмағымды түсіре аламын. Флойдпен күш сынасу үшін 154 фунтқа түсер едім. Бұл әлемдегі ең айтулы жекпе-жек болатынын түсінемін. Бұл кездесу кімнің мықты екенін көрсетер еді, - деді Геннадий Sports Nation-ге берген сұхбатында.