Геннадий Головкин өзінің мықты қасиеттері туралы айтты

АСТАНА. ҚазАқпарат - Қазақстандық боксшы Геннадий Головкин (37-0, 33 КО) L'Equipe басылымына берген сұхбатында өзінің мықты қасиеттері туралы айтты, деп хабарлайды Sports.kz.

Сіздің қолыңыздың қайсысы ауыр? Екеуі де (күледі). Расын айтқанда білмеймін. Бірақ менің анық білетінім, мен екі қолымның қайсысымен болса да қарсыласымды нокаутқа жібере аламын.

Біз Сіздің күшіңіздің бар екенін және жылдамдыңығыздың мықты екенін білеміз. Сіздің өзге қандай мықты қасиеттеріңіз бар?.

Тайминг, дәлдік пен темірдей тәртіп. Егер рейтингті мен қоятын болсам, онда тәртіп пен таймингті бірінші орынға шығарар едім. Өйткені күш мен үшін екінші кезектегі мәселе.